الفكرة

فكرة التحدي انه نطور انفسنا باستمرار على مستوى يومي لمدة ٢٩ يوم ونشارك هذه الفائدة مع الاخرين

المصادر

مجموعة مصادر ممكن تفيدكم بالتحدي وتطوير مهاراتكم من خلال التعلم الذاتي حسب المجال او المهارة الي تريدون تتعلموها. بصورة عامة، هذي المواقع بيها مئات الكورسات الي ممكن تفيدكم تقريبا بكل مجال:

تعلم كيف تتعلم؟

اشخاص اخرين مسوين التحدي

برمجة

لغة انكليزية (او غيرها)

رياضة

موسيقى

فن/رسم

تصوير/تعديل فديو وصور

الاسئلة المتكررة

ماكو شروط، شارك وخلص. كل الاعمار والأشخاص والبشرية ممكن يشاركون بهذا التحدي.

اكيد ممكن اذا عندك القابلية توازن بيها وتحقق تقدم. اسأل نفسك واتاكد انك راح تگدر تقسم وقتك بطريقة صحيحة وما تضيع التحدي وتشتت بين أشياء عديدة.

للاسف ضروري الكل يبدون سوية لذلك ما نكدر نضيف أشخاص بعد البداية.

ضروري الكل يتابعون الايميل وكل المراسلات الي ندزها على باقي المنصات، اذا تفوت واحد من المواعيد ما راح تكدر تتأهل للفوز.

كل الخطوات ممكن تكملها من تلفون، اللابتوب مجرد ممكن يختصر عليك بعض الوقت.

اكيد ممكن هذا الشي اذا تحب تشارك مشاركة جزئية، بس اذا تريد تفوز لازم تكمل كل الخطوات المطلوبة.

المهم بهذا التحدي هو الالتزام والاهتمام وتحقيق تقدم. إذا يوميا صعب عليك بسبب ارتباطات معينة، شارك بالاستمرارية الي تناسبك واشرح الاسباب بالمدونة مالتك.

تحديد الفائز راح يكون من قبل لجنة تحكيمية تقيم أداء والتزام كل مشارك. التحدي راح يكون بي هواية تعليمات وخطوات لازم تسووها اذا تريدون تفوزون. كلش ضروري تركزون على التفاصيل المطلوبة و تنتبهون على كل خطوة. اذا اي شخص يفوت موعد معين او يترك خطوة معينة راح يخسر امكانية الفوز بالجائزة.

كل المشاركين راح يستخدمون منصة Blogger. هذا الفيديو يشرح شلون ممكن تنشر مدونة على المنصة.

تكدر تكتبها بالعربي او بالانكليزي. اذا هدفك من التحدي انك تتعلم لغة اخرى (مثلا الماني) وعندك طموح تنشر مدونة بهذي اللغة، فيبقى انك تحتاج تنشر مدونة بالعربي او الانكليزي توثق تجربتك مع هذا التحدي ورحلة التعلم

تحتاج تكتب منشور واحد اول ما تبدي (اول يوم)، بالاضافة الى ٣ منشورات اثناء التحدي (منشور كل ١٠ ايام). يعني مجموع المشاركات بالمدونة تكون ٤، بس اذا تحب تنشر اكثر من هذا، اكيد انت حر وما راح يأثر عليك شي.

راح نطلب منك تملي استمارة تشاركنا بيها تقدمك كل ٣ ايام. الاستمارة بسيطة وما راح تاخذ اكثر من ١٠ دقايق. بالاضافة الى الاستمارة كل ٣ ايام، راح نطلب منك تنشر مدونة تشارك بيها تقدمك كل ١٠ ايام. السؤال ادناه يشرح تفاصيل نشر المدونة اكثر.

الكتابة والتوثيق مهارة مهمة راح تحتاجها هواية بالحياة، هذي خوش فرصة تتعلم عليها. اذا مصر ما تريد تتعلم هذا الشي، بالتاكيد تكدر تسوي التحدي بدون توثيق بس ما راح تكون مؤهل للفوز.

ممكن تتواصلون وية فريقنا من خلال هذا البوت بالتيليكرام. وبالاضافة الى هذا راح يكون عدنا ساعات نوفر بيها مرشدين ينطوكم دعم وارشادات ويساعدوكم بالتخطيط للتحدي مالتكم. تفاصيل الساعات راح ننشرها على قناة التيليكرام (ملاحظة: اكو فرق بين الكروب والقناة بالتيليكرام).

الفكرة

المصادر

الاسئلة المتكررة

المشاركين